FELICES FESTAS!

 Este ano non podemos celebrar as festas de Nadal como nos gustaría: tod@s xunt@s. 

Porén, desde a EEI de Rorís queremos felicitárvolas con este pequeno vídeo. 

Tod@s os nen@s, grandes e pequenos, demostraron ser uns artistazos. 

Foi toda unha aventura facer este traballiño e podemos dicir que estamos moi orgullosas de tod@s el@s.

Agardamos que o vindeiro ano sexa mellor que o presente, que nunca falte saúde.

Os nosos mellores desexos, BO NADAL!

Moitas grazas!

                      

DÍA INTERNACIONAL PARA A ELIMINACIÓN DA VIOLENCIA CONTRA AS MULLERES

Neste día de conmemoración, coñecimos a Sira, a protagonista da historia de Palmira Castro, unha moza que se rebela contra as conductas machistas que sofre durante a súa vida e toma a determinación de virar de rumbo e navegar cara a igualdade.

Pola nosa parte, decidimos emulala facendo as nosas barquiñas de papel, para logo pegalas nun mural camiño do seu destino.

#navegaraigualdade 

Ademáis, queremos ensinarvos algúns dos libros que fomos lendo e outros que temos pendentes para estes días e sobre os que reflexionamos sobre o respecto pola outra,  a diversidade, a corresponsabilidade nas tarefas, a tolerancia... Esperamos que estes contos sexan as sementes coas  que conseguir unha sociedade máis xusta e igualitaria. 

 

Participación no procedemento de distribución de máscaras

ORDE do 6 de novembro de 2020 pola que se regulan os criterios e o procedemento de distribución de máscaras entre o alumnado matriculado en educación primaria, educación secundaria obrigatoria e educación especial en centros docentes públicos dependentes desta consellería e en centros privados concertados no curso 2020/21.

DESTINATARIOS/AS: Alumnado matriculado en educación primaria, educación secundaria obrigatoria e educación especial:

a) Non ten que presentar solicitude: O alumnado de primaria beneficiario da axuda de material escolar no curso 2020-2021. A concesión das máscaras é automática.

b) Ten que presentar solicitude: O alumnado de primaria que non foi benefciario da axuda de material escolar no curso 2020-2021 que cumpra algunha das seguintes condicións:

• Que pertenza a unha familia cunha renda per cápita igual ou inferior a 6.000 €. (Datos da renda e familiares do ano 2018)
• Alumnado matriculado en educación especial.
• Alumnado suxeito a tutela ou garda da Xunta de Galicia.
• Alumnado cun grao de discapacidade igual ou superior ao 65%.

c) O prazo de presentación das solicitudes (impreso máis documentación complementaria) para o alumnado non beneficiario da axuda de material escolar no curso 2020-2021, que cumpra as anteriores condicións será do día 16 de novembro ao 27 de novembro incluído.

DESCARGA O FORMULARIO

Orde do 6 de novembro de 2020 de participación no procedemento de distribución de máscaras

PLANS COVID19

PLAN DE ADAPTACIÓN Á SITUACIÓN COVID19

PLAN DE ACOLLIDA

PLAN DE CONTINXENCIA

AUTOAVALIACIÓN SINTOMATOLOXÍA COMPATIBLE

PROTOCOLO DE LIMPEZA DO CONCELLO

Novo curso, novos espazos!

E por fin chegou o día de subir para as novas aulas e que os nos@s nen@s estreasen os espazos que encherán de experiencias, aventuras e moitos traballiños!

Agardamos que vaia tooooodo o mellor posible e para iso loitaremos tod@s xunt@s por manternos sans e fortes!

Fagamos deste curso, un curso feliz do cal exprimiremos toodo o bo para aprender miles de cousas novas e compartir momentos cos nos@s amig@s e compañeir@s.

Moitas gracias a tod@s e sede benvid@s a este espazo común da escola!

Arriba Rorís! 

Chegou o último día de curso: GRACIAS.

Hoxe é un día diferente. É un día de alegría polo comezo das vacacións, pero tamén é un día morriñento, no que as mestras, as familias e os nen@s facemos balance cada un á súa maneira do que foi o curso.

Sen dúbida un ano distinto, no que os pais/nais vos vístedes cargados de responsabilidades,

as mestras vímonos tristes e angustiadas ao faltarnos o contacto cos vosos nen@s querendo sempre o mellor para tod@s el@s, 

e os nen@s estiveron faltos do contacto cos seus amig@s que son con quen realmente aprenden.

As mestras queremos agradecervos todas cantas atencións tivéstedes con nós neste tempo. 

Foran catro anos, ou catro meses,... 

  Sentímonos privilexiadas de haber estado con vós.

Se algún fallo tivemos neste tempo, sabede que sempre foi coa mellor das intencións.

Moitas gracias a tod@s. 

As mestras de Rorís.

↓⬇😎

Pínchame para ver o VIDEO FINAL DA EEI RORIS

Nun día de praia

Tod@s sabemos que cando imos a praia non nos sobre un minuto. 

Ponme os manguitos, infla o flotador, entroume area nun ollo, teño fame, agora quero pis, miña irmá non comparte o rastrillo, teño máis fame, quítame os manguitos, quero un xeado, ... 

A pesar de todo queremos animarvos a divertirse facendo un pouquiño de matemáticas na area

En nos escasos momentos de descanso, como cando saboreamos o bocata, podemos mirar o ceo e buscar algunha nube con formas recoñecibles. 

Equilibrio e .... tolerancia

O longo dos últimos cursos este foi o curto de animación que máis gusto ó alumnado da EEI RORÍS

É unha forma de transmitir valores de forma motivadora.

Neste curto queda moi clara a importancia da tolerancia, a convivencia e... do equilibrio

Que vos parece agora se practicamos nós?

Para rematar o día ... un curto que vos vai emocionar!

Un paseo polo monte!

Agora que podemos saír dar un paseiño todos os días, que vos parece se facedes series cos elementos que atopedes!!

Paseando por este monte mirade que actividades fixemos....

Agora... tócavos!!! 

Hoxe é... O DÍA DAS LETRAS GALEGAS!

Aquí vos deixamos un enlace a un conto dos Bolechas sobre o autor deste ano: Ricardo Carvalho Calero

https://www.lingua.gal/c/document_library/get_file?folderId=1647069&name=DLFE-20772.pdf

Que chulada!!!

Abecedario creativo e apetitoso das chicas!!! Sodes unhas artistas

Animadevos a enviar as vosas fotiños os/as demais!!! 

Abecedario creativo

A ver esa imaxinación .... vamos crear o abecedario con elementos que teñamos cerca!

Aquí tedes unhas ideas 

Se vos apetece podedes mandarnos as fotos das vosas creacións

Canción para recordar cales son as letras do abecedario

Noticias frescas dos cumpleañer@s da semana!

Nada nos gustaría máis ca celebrar o cumple con Sergio e con Marina.

Cantaríamoslles o noso afinadísimo "cumpreanos feliz", paparíamoslle un pastelín e ao mellor.... tirábamos 7 veces dalgunha orelliña.

Pero... xa que non pode ser así... estamos encantadas de recibir noticias del@s 

e de ver como disfrutaron do seu día. Pintazas esas tartas ;-)

MOITAS FELICIDADES, QUE SEXAN MOITÍSIMOS MÁIS.

Gracias familias, gracias rapaces :-)

Amizade..... a pesar do coronavirus!!!!

Ninguén poñemos en dúbida que as Noas...adóranse!!!!

Bli bli, bla bla, ji ji, ja ja......

Vera e Sabela... non paraban de falar!!!

Como vos extrañamos a tod@s!!!

Unha entrada por Marina!

Hoxe vai unha entrada dedicada a Marina!

Esperamos que teñas un día xenial, 

e que o sorriso que nos debuxabas todos os días non se borre nunca, nunca!!

Parabéns á nosa duquesiña, á nosa incansable axudanta!

 Feliz cumple!:-)

Creamos o noso propio baile

Propoñémosvos que inventedes os voso propio baile coa seguinte aplicación!

COKITOS

É moi sinxelo: escolledes o tipo de música e o xénero.

E 30 pasos nos que ides elixindo as que partes do corpo que queredes que se mova en cada un.

Rematamos dándolle ó botón verde co triángulo. 

E a bailaaaaaar!!!

ADMISIÓN ALUMNADO DE NOVA MATRÍCULA PARA O VINDEIRO CURSO 2020/21

A RESOLUCIÓN do 5 de maio de 2020, da Secretaría Xeral Técnica da Consellería de Presidencia, Administracións Públicas e Xustiza, pola que se dá publicidade a diversos acordos do Centro de Coordinación Operativa da situación de emerxencia sanitaria no  territorio da Comunidade Autónoma de Galicia (Cecop), do 5 de maio de 2020, establece os seguintes plazos:

• Restablecerase o prazo para a presentación das solicitudes de admisión de alumnado en centros docentes sostidos con fondos públicos, polo tempo que restaba cando se declarou o estado de alarma, de xeito que se iniciará o día 11 de maio de 2020 e rematará o día 18 do mesmo mes. 

A ESCOLA PERMANECERÁ ABERTA DE 10 A 13 HORAS.

SENDO PRECISO PEDIR CITA PREVIA POR CORREO ELECTRÓNICO OU A TRAVÉS DO TELÉFONO DA MESMA

•  Presentación da documentación acreditativa dos criterios de baremo: ata o día 26 de maio de 2020.
• Publicación das listaxes provisionais do alumnado admitido e non admitido: antes do 9 de xuño de 2020.
• Poderanse formular reclamacións contra as listaxes provisionais no prazo de 3 días hábiles contados desde o seguinte ao da súa publicación. 
• Publicación das listaxes definitivas do alumnado admitido e non admitido: ata o 26 de xuño de 2020.
• Formalización da matrícula en educación infantil e primaria: do 1 ao 10 xullo de 2020 (PRAZO A TER EN CONTA AQUELES/AS QUE PARA O VINDEIRO CURSO MARCHAN PARA O CEIP PONTE DOS BROZOS)

Unha das entradas de hoxe vai por.... Sergio!

Hoxe vai por Sergio! Que o temos de cumple!

Un dos nosos maiores, aquel ao que non lle gustan as fotos e xoga a facernos cariñas en todas elas.

Desexamos que o pases moi moi ben coa familia e

que comas un bo pedazo de tarta!

Parabéns Sergio!

Os maios!

Nalgunhas zonas de Galicia celébrase a festa dos Maios. 

Nesta celebración cántanse coplas dando a benvida ás flores e tamén se fan figuras con ramiñas, con bailaretes dos carballos, castañas de indias, musgos (ollo que está prohibido ir a el ao monte), flores, fiuncho, xestas, fieitos, hedras...

Que vos propoñemos?

Pois, como xa comezou a primavera e xa que nos deixan saír un pouquiño da casa, podemos coller flores ou follas que nos gusten para prensalas entre as follas dun xornal. 

Desde que pasen uns días, e  estean sequiñas, podedes facer algunha das actividades que vos van aquí ou outras que se vos ocorra.

Collages e montaxes con flores ao natural ou secas, marcapáxinas de flores secas pegadas ou forradas,... 

Se facedes algo disto, mandade foto da recollida, do proceso e/ou do resultado final. Seguro que nos tedes moito que ensinar. Sodes uns artistas!

Estamos moi orgullosas de vós, do voso traballo na casa e alegrádesnos cada vez que nos chegan fotos vosas sabendo que estades todos ben. 

Creatividade con paus e palillos

Como somos tan creativ@s vamos facer creacións con paus e/ou palillos que teñamos pola casa.

Imos facelo sen prisas, disfrutando da nosa creatividade.

Se vos animades mandádenos unha foto para poder compartila cos vosos compañeiros/as

Mummmm , que pintaza!

Sergio animouse a facer as galletas da receta que se publicou fai un par de semanas!!!

Teñen unha pintaza! Seguro que estaban riquísimas

Divertímonos cos garbanzos e o mesmo tempo interiorizamos contidos lóxico matemáticos

Senon temos garbanzos podemos empregar macarróns, lentellas, chícharos,...

CONTO : Mi garbanzoooooooo

Luns de deporte!

  A Dirección xeral de Educación, Formación Profesional e Innovación Educativa, pon en marcha o programa  "Móvete connosco na casa". 

A través dun grupo de especialistas en educación física e das súas familias deseñouse unha programación semanal que permite ao alumnado traballar algúns destes aspectos.

A entrada de hoxe,... vai por Leyre!

Parabéns Leyre!

As túas profes e os teus compañeir@s desexamos que pases un moi bo día de cumple. 

Oxalá o puidéramos celebrar xunt@s no cole. 

Moitísimos parabéns!

Abrazos enormes :-)

O NOSO CONFINAMENTO

Desde fai unhas semanas estamos nos nosos fogares experimentanto multitude de sentimentos e experiencias.

No seguinte video mostramos algunhas delas. Esperamos que o disfrutedes!

Encantounos ver o ben que o estades pasando!

Queremos agradecer a vosa colaboración! 

Hoxe luns ..... a moverse na nosa sesión semanal de Educación Física

ZUMBA

Veña a movese seguindo o ritmo

HIP HOP

AGORA A RELAXARSE CHICOS/AS

Artistas pasteleiros!

As mestras de Rorís sabemos que temos os mellores cociñeir@s no noso cole! 

Aquí nos manda Sergio a súa rosca! Coa receta que se puxo no blog.

Quedou preciosa, seguro que estaba riquísima! 

Gracias familia! Boa Pascua :-)

Que vos parece se nos animamos a facer un postre típico desta época?

Como hoxe é venres e toca Taller de cociña imosvos animar a  facer unha ROSCA. 

Seguide ben as instruccións e xa veredes como vos sale riquísima.

Desde o Concello achégannos estes números de interés

Vera e Noa Losada!

Vera e Noa Losada enviannos estas fotos para que o ánimo no decaia!

Fixeron tres coelliños que seguro que van ter moi coidadiños estes días.

Vera invertiu parte do seu tempo en atar e desatar zapatos, agardamos que axiña nos demostres o ben que o sabes facer. :-)

Moitas gracias chicas!

Novas posibilidades das bibliotecas: interesante :-)

Se xa sodes socios de algunha biblioteca municipal (calquera)  tedes a posibilidade de acceder ao préstamo gratuíto de libros e películas nas vosas casas desde https://www.galiciale.gal/ . Aqueles que non sexades socios tamén podedes rexistrarvos. Hai información na páxina.
Nela accédese ao catálogo, introdúcese o usuario e contrasinal que posuídes na vosa biblioteca habitual e poderedes acceder ao préstamo de material. 

Recomendámosvos especialmente as películas. É moi doado, só hai que buscalas (hai filtros para infantil e adulto), escoller o que se queira, e xa sairá o enlace a través do cal a poderedes ver. Unha vez vista, dádeslle a "devolver" igual ca faríades nunha biblioteca física. 

Hai máis de 300 películas, libros con música, libros,....Nas fotografías vedes algún exemplo do que se pode atopar na páxina. Interesante para nen@s e adultos.

Destacamos para vós a serie completa de Cocorico e gato pelado; "Maimiño e o espello máxico"; "Contos no camiño",...

Se tedes esta posibilidade, está ben usala. Despois do malo, aproveitemos que a cuarentena despertou algún acceso á cultura. 

Ánimo familias!

RAP moi oportuno para estes momentos!!

😊

Feliz cumple Alba!!!! 6 aniños cumple !

Os retos en equipo levanse mellor!!

Temos na aula catro expert@s desactivando paquete sorpresa! Lograron abrir unha caixa cifrada que contiña 2 BOMBAS DE SEMENTE e moedas de chocolate para todos/as! Ao son de un TIC TAC inquietante,resolveron problemas de mates e conseguiron as tres cifras do candado!!! Xunt@s superamos todo!!! ⏰ ⏰ 🔒 📜 🌱 💣